ՍՏԵՂԾԱՐԱՐ ԳՅՈՒՄՐԻ. ԱՊԱԳԱՆ ԱՅՍՏԵՂ Է

Գյումրին՝ որպես Հայաստանի Հանրապետության ստեղծագործական մայրաքաղաք, իր բրենդը վերականգնելու ճանապարհին է: «Բալետ 2021»-ը Գյումրիում մեկնարկել է կատարողական արվեստի ժամանակակից, բազմաֆունկցիոնալ միջազգային կենտրոնի հիմնադրումը: Կենտրոնը ստեղծարարության, փորձարարության և կրթական հարթակ է՝ աշխարհի հետ հայկական արժեքները կիսելու, աշխարհի նվաճումները Հայաստան բերելու, առանց սահմանների երկկողմանի ճանապարհորդութան տեսլականով: Ծրագիրը մեկնարկել է՝ որպես ենթադրամաշնորհ, որն իրականացվում է «Հայկական Բարեգործական Ընդհանուր Միության» և «Եվրասիական համագործակցություն» հիմնադրամի ՔՀ «Կամուրջ» ծրագրի շրջանակներում՝ Եվրոպական Միության ֆինանսավորմամբ:

ԻՆՉ Է «ԿԱՏԱՐՈՂԱԿԱՆ ԱՐՎԵՍՏԻ ԽԱՌԱՏՅԱՆ ՓՈՐՁԱՐԱՐԱԿԱՆ ԿԵՆՏՐՈՆԸ»

«Կատարողական արվեստի Խառատյան փորձարարական կենտրոն»-ի առաքելությունն է աշխարհին ճանաչելի դարձնել Գյումրին և Հայաստանը՝ որպես արվեստի և հոգևոր մշակույթի փորձարարական յուրահատուկ ուղղության:

Որպես սովորելու և ստեղծագործելու վայր՝ այն առավելագույնս կօգտագործի արվեստի զարգացման նորագույն միտումները, միաժամանակ կնախաձեռնի միջգիտաճյուղային հետազոտական և փորձարարական ուսուցման ծրագրեր, որոնք կներգրավեն արվեստագետներ և այցելուներ ամբողջ աշխարհից: Այսկերպ կենտրոնը կդառնա ստեղծարարության սիրտ, իսկ նրա զարկերակը աշխարհի համար՝ համընդհանուր:

ԻՆՉ Է «ԿԱՏԱՐՈՂԱԿԱՆ ԱՐՎԵՍՏԻ ԽԱՌԱՏՅԱՆ ՓՈՐՁԱՐԱՐԱԿԱՆ ԿԵՆՏՐՈՆԸ»
ՏԱՐԱԾՔԸ

Մոնրեալի ճարտարապետ մրցանակակիր Ազատ Շիշմանյանը կաշխատի «Ballet 2021»- ի հետ`իրականացնելու Գյումրու «Խառատյան արվեստի կենտրոնը»` որպես նորարարական տարածք:
Ճարտարապետական նախագծի հանդեպ մոտեցումները ձևավորվելու են երեք հարթության վրա։ Առաջինը կատարողական արվեստի կենտրոնի արդյունավետ գործառնական մակարդակի ձևավորումն է, այն է՝ հաշվի առնել, թե որ տարածքները պետք է ծառայեն որպես ուսուցման, դրանց կրթական բաղադրիչների, ամառային ճամբարների ծրագրերի, հետազոտության, ուսումնասիրության և ներկայացումներ բեմադրելու համար:
Երկրորդը, դրանից զատ, շինության ավելի լայն դերակատարությունը զարգացող քաղաքաշինության ենթատեքստում դիտարկելն է։ Նախագիծի նպատակն Է` վերականգնել քաղաքի հենց այն հատվածը, որը մոռացության է մատնված և կարող է խարիսխ դառնալ, ուր կձտեն մարդիկ իրենց քաղաքի առօրյա մշակութային կյանքում։ Երրորդ մոտեցումը, կենտրոնի շինության խորհրդանշական բովանդակությունն է: Պարը ֆիզիկական, մտավոր, հոգևոր վերելքի և ոգեշնչման աղբյուր է: Այս շենքի պարագայում հետաքրքիրն այն է, որ մենք խոսում ենք մի տարածքի մասին, որտեղ ձգողականությունը ժամանակին այնպիսի ավերիչ ուժ է եղել, որտեղ երկրաշարժը հանգեցրել է սարսափի և մարդկային կորուստների: Այժմ այդ նույն վայրում՝ պատերի ներսում, եթե մենք ամեն բան ճիշտ կազմակերպենք, այդ շենքը, բառացիորեն, կճախրի և նոր շունչ կստանա: Միևնույն ժամանակ մարդիկ, ովքեր կօգտվեն շենքից, իրենք էլ, կզարգանան թե ֆիզիկապես և թե հոգեպես։